20 Yanvar şəhidləri Gəncədə də anıldı – FOTO

Bu gün Gəncədə Azərbaycanın müstəqilliyi və suverenliyi uğrunda həlak olan 20 Yanvar şəhidlərinin xatirəsi ehtiramla yad edilib. 

Bizim.Media xəbər verir ki, Şəhidlər xiyabanında keçirilən anım mərasimində böyük izdiham müşahidə olunub. Uşaqdan böyüyə hər kəs şəhidlərin xatirəsini yad etmək üçün xiyabana toplaşıb.

Tədbir abidə kompleksi önündə şəhidlərin xatirəsinin yad edilməsi ilə başlayıb. Şəhidlərin ruhuna dualar oxunandan sonra başlayan matəm mitinqində 34 il əvvəl Sovet qoşunlarının o zamankı rəhbərliyinin Bakıda insanlıq əleyhinə icra etdiyi tapşırıqları pislənilib. 20 Yanvarın Azərbaycan tarixində yalnız bir hüzn günü deyil, həm də qəhrəmanlıq səlnaməsində iz qoyan tarixi gün kimi qiymətləndirilib. 

Şəhidlər Memorial Kompleksi Abidəsi önünə əklil qoyulub, şəhidlərin ruhuna hörmət və ehtiram ifadə edilib. Abidə digər mərasim iştirakçıları tərəfindən də ziyarət olunub. 











Məqsəd Rəhimov, Bizim.Media, Qərb bürosu