“Qarabağ”ın oyunu TƏXİRƏ SALINDI 

Azərbaycan Premyer Liqasnın “Qəbələ” – “Qarabağ” oyunu təxirə salınıb. 

Bizim.Media Peşəkar Futbol Liqasının (PFL) mətbuat xidmətinə istinadən xəbər verir ki, buna Ağdam klubunun avrokuboklarda iştirakı səbəb olub. 

“Qarabağ” bununla bağlı quruma rəsmi müraciət edib. “Qəbələ” klubunun razılıq məktubunu nəzərə alan PFL Əsasnaməsinin 6-cı maddəsinin 2-ci bəndini əsas tutaraq belə addım atıb.
“Qarabağ”ın ölkəmizi Avropa Liqasında layiqincə təmsil etməsi məqsədilə Premyer Liqasının XXIII turunun “Qəbələ” – “Qarabağ” oyunu PFL tərəfindən təxirə salınıb. Görüşün oynanılma vaxtı sonra müəyyənləşəcək. Komandaların əvəzedici heyətləri arasında baş tutacaq oyun təqvimə uyğun şəkildə reallaşacaq”, - deyə PFL-in açıqlamasında qeyd olunub.

Rəşad Rafiqoğlu, Bizim.Media