Salyanda 20-yə yaxın kənd işıqsız qaldı - FOTO

Salyanda yağan qar elektrik təsərrüfatında fəsadlar törədib, 20-yə yaxın kənd işıqsız qalıb.

Bizim.Media-nın  cənub bürosunun məlumatına görə, belə ki, gecə saatlarından indiyədək rayonun Qarabağlı, Çaxırlı, Arxarası, Yenikənd, Həsənli, Şəkərli, Kürsəngi,  l-ll Varlı, Peyk, Xocalı və ümumilikdə 20-yə yaxın kəndlərində elektrik enerjisinin verilişi dayanıb. 

Minlərlə əhali qışın qarlı-çovğununda işıqsız qalıb. Bununla bərabər ötən axşam saat 21:00 radələrində şəhərin Ə.Kürçaylı, H. Əliyev, T.Xəlilbəyli, Y.Zərhərli, Ə Zeynalov və digər küçələrinin sakinləri də enerji verilişindən  məhrum olub. Enerjinin bərpası ilə bağlı aidiyyatı qurumlar hərəkətə keçiblər.       
Qeyd edək ki, hazırda fasiləsiz olaraq qar yağır. Qarın hündürküyü 15-20 santimetrə çatıb.








Elşən Feyzullayev, Bizim.Media