Abşeronda ambulansın iştirakı ilə yol qəzası olub.
Bizim.Media xəbər verir ki, hadisə Xırdalan şəhəri ərazisində baş verib. Yolayrıcında minik avtomobili ilə toqquşan təcili tibbi yardım avtomobili aşıb.
Bu barədə sosial şəbəkələrdə yayılan videogörüntüdə xidməti avtomobil ətrafdakıların köməyilə qaldırılıb.
Məsələ ilə bağlı TƏBİB rəsmisi Zamirə Adilova Bizim.Media -ya açıqlamasında baş verən hadisənin aprel ayına aid olduğunu bildirib. Qurum rəsmisinin sözlərinə görə, həmin hadisədə xəsarət alan olmayıb.
Nuranə Daxilqızı, Bizim.Media
