İşğaldan azad edilmiş ərazilərdə aparılan bərpa və tikinti işləri çərçivəsində Şuşa şəhərində 500 evdə GPON texnologiyasının (Gigabit Passive Optical Networks) tətbiqi üçün şəbəkə quraşdırılıb.
Bizim.Media xəbər verir ki, bu barədə Şuşa şəhərində ölkə mətbuatına müsahibəsində “Aztelekom” MMC-nin mətbuat katibi Alidə Mustafayeva danışıb.
Onun sözlərinə görə, hazırda Şuşanın 99 abonenti GPON texnologiyasının xidmətlərindən istifadə edir.
O, həmçinin bildirib ki, Şuşa şəhəri ilə Azərbaycanın digər şəhər və rayonlarından “026 26” kodu ilə əlaqə saxlamaq olar:
"Beynəlxalq zənglər zamanı “+994 26 26X XX XX” yığım formatından istifadə olunur".
Bizim.Media
