Zaqatalada Vətən müharibəsi iştirakçısı olan iki qardaş yol qəzasına düşüb.
Bizim.Media APA-nın şimal-qərb bürosunun məlumatına istinadən xəbər verir ki, hadisə axşam saatlarında Zaqatala-Qax avtomobil yolunun Zaqatala rayonunun Muxax kəndi ərazisində baş verib.
MÖVZU İLƏ BAĞLI:
Bakıda toqquşan iki avtomobildən biri yandı - FOTOLAR
Nail İsmayılovun idarə etdiyi “Hyundai” markalı minik avtomobili ilə “VAZ 2106” markalı minik avtomobili toqquşub.
Qəza zamanı “VAZ 2106” markalı avtomobildə olan Zaqatalanın Çobankol kənd sakinləri – 1994-cü il təvəllüdlü Abdulsəməd Elxan oğlu Mahmudov və 1999-cu il təvəllüdlü Abdulhəmid Elxan oğlu Mahmudov aldıqları müxtəlif dərəcəli bədən xəsarətləri ilə Zaqatala Rayon Mərkəzi Xəstəxanasına yerləşdiriliblər.
Qardaşlardan Abdulsəmədə qapalı kəllə-beyin travması, Abdulhəmidə isə sağ ayağının travması diaqnozu qoyulub.
Qeyd edək ki, Abdulsəməd və Abdulhəmid Mahmudov qardaşları Vətən müharibəsi iştirakçılarıdır.
Faktla bağlı Zaqatala Rayon Polis Şöbəsində araşdırma aparılır.
Bizim.Media
