Kürdəmirdə ağır yol qəzası baş verib.
Bizim.Media-nın Aran bürosu xəbər verir ki, hadisə rayonun Bakı prospektində qeydə alınıb.
Belə ki, hadisə zamanı 2 ədəd VAZ 2107 markalı avtomaşınlarının sürücüləri rayonun Ərşəli kənd sakini 1962-ci il təvəllüdlü Məmmədov Mübariz Özbək oğlu və rayonun Xınıslı kənd sakini 61 yaşlı Məmmədov Nizami Dədəxan oğlu idarə etdiyi avtomobillər toqquşub.
Nəticədə sürücü Məmmədov Mübariz Özbək oğlu və sərnişin Əliyeva Aygün Yusif qızı müxtəlif dərəcəli bədən xəsarətləri alıblar.
Yaralılar dərhal təcili tibbi yardım maşınının köməyi ilə Kürdəmir rayon Mərkəzi xəstəxanasına aparılıb. Faktla bağlı araşdırma aparılır.
Bizim Media.Aran bürosu
