Bakıda parklanma sahəsindən çıxarkən iki sürücü arasında yaranan mübahisə dava ilə nəticələnib.
Bizim.Media Baku.ws-ə istinadən xəbər verir ki, hadisə Bakı Dəniz Vağzalının qarşısında baş verib. Bəşir Baxşəliyev dörd nəfər tərəfindən döyüldüyünü bildirib.
Onun sözlərinə görə, arxadan gələn “Mercedes-Benz” markalı avtomobilə yol versə də, sürücüsü onu təqib edib. Sonda avtomobili qarşıda saxlayarkən sürücü ilə yanaşı üç nəfər B.Baxşəliyevə hücum çəkib.
İnsidentdən sonra hadisə yerinə polis əməkdaşları və təcili tibbi yardım gəlib. Hazırda polis tərəfindən araşdırma aparılır.
Bizim.Media
