Ağdamda təmir sexində maşın yanıb.
Bizim.media-nın yerli bürosu xəbər verir ki, hadisə rayonun Bənövşələr qəsəbəsində qeydə alınıb.
Belə ki, rayon sakininə məxsus "Opel" markalı minik maşınında qaynaq işləri aparılarkən yanğın başlayıb.
Baş verən yanğın qəsəbə sakinləri tərəfindən söndürülüb. Əlavə təhlükəsizlik tədbirlərinin görülməsi məqsədilə hadisə yerinə yerli yanğınsöndürmə briqadaları çağırılıb.
Qeyd edək ki, yanğın zamanı xəsarət alan olmayıb.
Elgün Gəncimsoy, Bizim.Media, Qarabağ bürosu.
