Mövcud sel və daşqınlarla müşahidə edilən hava şəraiti mayın 4-nə kimi davam edəcək.
Bizim.Media xəbər verir ki, bu barədə Milli Hidrometeorologiya Xidmətinin məlumatında bildirilir.
Məlumatda qeyd olunur ki, Kiçik Qafqazın bir sıra ərazisində yerləşən çaylarda sel hadisəsi gözlənilir:
"Şamaxı rayonunda yerləşdirilən radar vasitəsilə aparılan müşahidələrə görə, Yevlax, Mingəçevir, Balakən, Şəki bölgəsi ərazisində, eyni zamanda Biləsuvarın bəzi ərazilərində leysan yağışlarının yağması müşahidə olunur".
Həmçinin, ən çox yağıntı Goranboy rayonunun Yuxarı Ağcakənd rayonunda müşahidə edilib və bu, 3 aylıq normaya bərabər yağıntı kimi qeydə alınıb.
Bizim.Media
