Tərtər rayonu ərazisində yol qəzası baş verib.
Bizim.Media Report-a istinadən xəbər verir ki, hadisə işğaldan azad edilmiş Suqovuşan-Talış yolunda qeydə alınıb.
MÖVZU İLƏ BAĞLI:
57 yaşlı kişi Cəbrayılda minaya düşdü
Belə ki, rayonun Talış kənd inzibati ərazi dairəsi üzrə icra nümayəndəsi Anar İsmayılov idarə etdiyi “Opel” markalı avtomobillə hərəkətdə olan zaman havanın qar və buzlu olması səbəbindən idarəetməni itirib və maşın yolun kənarına aşıb.
Nəticədə A.İsmayılov və onun sərnişinləri - Ağabəyyalı kənd inzibati ərazi dairəsi üzrə icra nümayəndəsi Orxan Ağayev, Canyataq kənd inzibati ərazi dairəsinin baş məsləhətçisi - baş mühasibi Nicat Quliyev, Çaylı kənd inzibati ərazi dairəsinin baş məsləhətçi - baş mühasibi Göyüş Muradov və Cahid Quliyev müxtəlif dərəcəli bədən xəsarətləri alıblar.
Həmin şəxslər Tərtər Rayon Mərkəzi Xəstəxanasına yerləşdiriliblər.
Faktla bağlı Tərtər Rayon Polis Şöbəsində araşdırma aparılır.
Bizim.Media
