Moderator.az xəbər verir ki, Gəncə şəhərindəki Cəfər Cabbarlı adına 6 saylı orta məktədə Novruz bayramı ilə bağlı şənlik keçirilib. Tədbirdə ibtidai sinif şagirdləri, valideynlər, məktəbin pedaqoji heyəti iştirak edib.
Tədbirdə iştirak edən məktəb direktoru Vəfa Abbasova iştirakçlara bayram təbrikini çatdırıb, xalqımıza dinclik, əminamanlıq arzulayıb. İbtidai sinif müəlliməsi Sevinc Qəhrəmanova isə çıxışında bu cür tədbirlərin əhəmiyyətinə diqqət çəkib, milli adət-ənənələrin yeniyetmə və gənc nəsil tərəfindən mənimsənilməsinin önəmli olduğunu vurğulayıb.
Maraqlı rəqslər və ifalarla keçən tədbir iştirakçılara xoş ovqat bəxş edib.
