Martın 4-ü saat 12 radələrində paytaxtın Xətai rayonu ərazisində yerləşən hipermarketlərdən birində silahlı hücum törətməkdə şübhəli bilinənənlərdən biri Səbail rayonu H.Z.Tağıyev küçəsində zərərsizləşdirilib.
Bizim.Media xəbər verir ki, 2001-ci il təvəllüdlü Ruhlan İsmayılov saxlanılarkən avtomat silahdan polis əməkdaşlarına qarşı müqavimət göstərib.
Fəvvarələr Meydanında atışma anı kameralara yansıyıb.
Qeyd edək ki, bu gün günorta saatlarında Bakıda marketdə silahlı atışma olub. Hadisə Xətai rayonundakı "Bravo" Əhmədli Hipermarketində qeydə alınıb.
Hadisə nəticəsində Həsənov Rüfət Rahib oğlu ölüb, 2 şəxs isə xəsarət alıb. Yaralılar Sabunçu Tibb Mərkəzinə yerləşdirilib.
Hücumun inkassatorun maşınına olduğu bildirilir. Hadisəni törədən şəxslərin avtomobildəki pulları da oğurladığı deyilir.
Həmin görüntüləri təqdim edirik:
Bizim.Media
