“Azərbaycanda 800-dən çox məktəbimiz qəzalıdır. Bu qədər məktəbi eyni gündə və ya eyni ildə təmir etmək mümkün deyil. Təmir işləri mərhələli şəkildə aparılır və biz bütün məktəblərə baxırıq”.
Bizim.Media xəbər verir ki, bunu Elm və təhsil naziri Emin Əmrullayev keçirdiyi brifinqdə deyib.
Onun sözlərinə görə, elə məktəblər var ki, doğrudan da acınacaqlı durumdadır və ürəkaçan deyil:
“Bunu mən də etiraf edirəm. Hər bir məktəbin yaxşı olması və orada təhsil alan şagirdlərin rahatlığının təminatı dövlətin nəzarətindədir. İl ərzində hər rayonda 1 və ya 2 məktəb təmir etməyə çalışırıq.
Heydər Əliyev Fondu tərəfindən də təmir edilən məktəbləri xüsusi vurğulamaq istəyirəm. Reallıq odur ki, biz ilk olaraq böyük və daha acınacaqlı olan məktəblərin təmirindən başlayırıq”, - deyə nazir əlavə edib.
Alçina Amilqızı, Bizim.Media
