Qusar şəhər mənzil-istismar sahəsində qar təmizləmək üçün sadə bir qurğu düzəldilib.
Qusar şəhərində Heydər Əliyev prospektində yerləşən çoxmənzilli yaşayış binalarının ərazisinin qardan bu sadə qurğu ilə təmizlənməsini Bizim.Media-nın əməkdaşı müşahidə edib.
Qusar mənzil-istismar sahəsindən bu primitiv qartəmizləyən qurğunun əməkdaşlar tərəfindən düzəldildiyi bildirilib.
Qurğu 2 araba təkərindən, qabağına rezin vurulmuş kürəkdən ibarətdir. Bu sadə qurğu ilə qarı təmizləmək asan olur. Bu gün Qusar şəhərində 10 sm qar müşahudə edilib.
Mənzil-istismar sahəsinin işçiləri qarı əsasən bu aparatla təmizləyirlər.
Aytəkin Alxaslı, Bizim.Media, Şimal bürosu
