Azərbaycanın İrandakı səfirliyinin əməkdaşlarını gətirən təyyarə Bakıda hava limanına eniş edib.
Bizim.Media xəbər verir ki, şəhid Orxan Əsgərovun cənazəsi də ölkəyə gətirilib. Bununla yanaşı səfirliyə hücum zamanı yaralanan şəxslər də Bakıya gətirilib. Onlar təcili yardım maşınları ilə təxliyyə olunub.
MÖVZU İLƏ BAĞLI:
Şəhid Orxan Əsgərovun cənazəsini daşıyan təyyarə Bakıya endi - YENİLƏNİB
Qeyd edək ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə terror hücumu olub.
Hücum edən şəxs avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar.
Hazırda hadisənin istintaqı aparılır.
Bizim.Media
