Şabranda 2 avtomobil toqquşdu: Xəsarət alanlar var - ÖZƏL - FOTO

Bakı-Quba yolunun 120-ci km-də, Şabran rayonundan keçən hissəsində baş verən qəzada bir ailənin 3 üzvü xəsarət alıb.

Bizim.Media xəbər verir ki, Sumqayıt sakini, 54 yaşlı Bayram Cəlal oğlu Həsənovun idarə etdiyi "Opel" markalı avtomaşınla Bakı sakini, 33 yaşlı Gülnar Məmmədəli qızı Zeynalovanın idarə etdiyi "Hyundai Sonata" markalı avtomaşınla toqquşub.

Hər iki avtomobil Bakı istiqamətinə gedirmiş.

Nəticədə "Opel"in sürücüsü Bayram Həsənov, həyat yoldaşı, 47 yaşlı Samirə Əliyeva və oğlu, 29 yaşlı Fariz Həsənov xəsarətlərlə Şabran rayon mərkəzi xəstəxanasına çatdırılıblar.

Qadının vəziyyəti nisbətən ağır olduğundan Sumqayıt şəhərindəki xəstəxanaların birinə göndərilib.

Sürücünün xəsarəti yüngül olub. Digər avtomobilin qadın sürücüsü isə heç bir xəsarət almayıb. Baş Dövlət Yol Polisi İdarəsinin istintaq və təhqiqat şöbəsində araşdırma başlanılıb.
Təyin ediləcək avtotexniki ekspertiza qəzanın hansı sürücünün günahı ucbatından baş verdiyini ayırd edəcək.

Aytəkin Alxaslı, Bizim.Media, Şimal bürosu