Samuxda narkotiklə tutulan şəxs: “Balıq tutanda çayda tapmışam” - FOTO

Samux rayon sakinində narkotik maddə aşkarlanıb.  

Bizim.Media-nın yerli bürosu Daxili İşlər Nazirliyinin Mətbuat Xidmətinin Gəncə regional qrupuna istinadən xəbər verir ki, Samux Rayon Polis Şöbəsinin əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik maddə əldə edib saxlamaqda şübhəli bilinən rayon sakini, Teymur Məmmədov saxlanılaraq polis şöbəsinə gətirilib.  

Bildirilib ki, onun üzərinə baxış keçirilən zaman külli miqdarda narkotik vasitə olan marixuana aşkar edilərək götürülüb.

İlkin ifadəsində saxlanılan şəxs bildirib ki, Kür çayında balıq tutan zaman çayda göy rəngli sellofan görüb. İçərisinə baxdıqda narkotik vasitənin olduğunu bilib.  

Götürülən maddi sübutlar ekspertizaya təqdim edilib.  

Faktla bağlı RPŞ-də araşdırmalar davam etdirilir.  

Məqsəd Rəhimov, Bizim Media, Qərb bürosu.