Azərbaycan Dövlət Aqrar Universitetinin Aqronomluq fakültəsində 9 noyabr Dövlət Bayraqı günü və Konstitusiya günü münasibəti ilə geniş tədbir kecirilib. Tədbirdə ilk olaraq Azərbaycanın Dövlət Himni səsləndirilib.
ADAU-nun mətbuat xidmətindən verilən xəbərə görə tədbiri giriş sözu ilə fakültə dekanı dosent Məhərrəm İsmayılov açıb. Tələbələrdən Günel Şərifzadə, Ülkər Həsənova, Nurlana Əslibəyova, Səkinə Baxışzadə dövlətçilik ruhlu şerlərdən parçalar səsləndirib. Tədbir fakültənin birinci kurs tələbələri arasında 6 komanda arasında keçirilən intelektual yarışla davam edib.
Tələbələrin siyasi dünya görüşünə, dövlət atributlarına aid suallar maraqla dinlənilib, dolğun cavablar isə iştirakçılar tərəfindən alqışlarla qarşılanıb. Yarışda ekologiya komandası 1-ci yeri, torpaqşunaslıq komandası isə 2-ci yeri qazanıb.
Qalibl komandalara fəxri fərman və qiymətli hədiyyələr təqdim edilib.
