Tovuz rayonunda evlərdən oğurluq etməkdə şübhəli bilinən şəxs saxlanılıb.
Bizim.Media-nın yerli bürosunun məlumatına görə, rayon ərazisində müxtəlif vaxtlarda 2 evdən, birindən 5 500 manat dəyərində, digər evdən isə 10 000 manat dəyərində qızıl-zinət və məişət əşyaları oğurlanıb.
Tovuz rayon Polis Şöbəsinin əməkdaşlarının keçirdikləri əməliyyat-axtarış tədbiri nəticəsində hər iki evdən oğurluq etməkdə şübhəli bilinən rayon sakini A.Rüstəmov müəyyən olunaraq saxlanılıb.
Faktla bağlı Tovuz rayon polis şöbəsində araşdırma aparılır.
Məqsəd Rəhimov, Bizim.Media, Qərb bürosu
