Bu ilin iyulunda Rusiyanın vasitəçiliyi ilə yaradılmış Azərbaycan və Ermənistan ekspertlərinin “Sülh dialoqu” platforması çərçivəsində sentyabrın 15-də Beynəlxalq Münasibətlərin Təhlili Mərkəzində Rusiyadan olan ekspertlərlə görüş keçirilib.
Bizim.Media xəbər verir ki, görüşdə Rusiya tərəfdən Rusiya Xarici İşlər Nazirliyi Moskva Dövlət Beynəlxalq Əlaqələr İnstitutu və Rusiya Beynəlxalq Əlaqələr Şurasının nümayəndələri iştirak ediblər.
Azərbaycan tərəfdən görüşə Beynəlxalq Münasibətlərin Təhlili Mərkəzinin nümayəndələri və bir sıra yerli ekspertlər qatılıblar.
Tədbir iştirakçıları “Sülh dialoqu” təşəbbüsünün perspektivlərini və gələcək istiqamətlərini, ikitərəfli gündəliyi, regiondakı mövcud vəziyyəti müzakirə edib, həmçinin birgə fəaliyyəti davam etdirməyə hazır olduqlarını bildiriblər.
Görüşdə Azərbaycan, Ermənistan və Rusiya ekspertlərinin növbəti görüşünün payızda Moskvada keçirilməsi planlaşdırıldığı diqqətə çatdırılıb.
Bizim.Media
- A-
- A
- A+
Siyasət
17:08 / 15.09.2022
Azərbaycan və Ermənistan ekspertləri Moskvada görüşəcək
Hazırda oxunan: Azərbaycan və Ermənistan ekspertləri Moskvada görüşəcək
Hazırda oxunan: Azərbaycan və Ermənistan ekspertləri Moskvada görüşəcək
94015
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
