\"Münaqişədən sonra münasibətlərin normallaşmasında Aİ-nin rolunu yüksək qiymətləndiririk\" - İlham Əliyev 

“Biz Ermənistan və Azərbaycan arasında münasibətlərin münaqişədən sonra normallaşdırılmasında Avropa İttifaqının (Aİ) rolunu yüksək qiymətləndiririk”. 

Bizim.Media xəbər verir ki, bunu Azərbaycan Prezidenti İlham Əliyev “Cənubi Qafqaz: inkişaf və əməkdaşlıq” beynəlxalq konfransının iştirakçıları ilə görüşündə bildirib. 
 

MÖVZU İLƏ BAĞLI:

Beynəlxalq beyin mərkəzlərinin növbəti konfransı Laçında olacaq

“Bizim üçün Avropa İttifaqı çox vacib tərəfdaşdır. Əməkdaşlığımız üçün çox geniş gündəliyimiz var”, - Prezident deyib. 

Dövlət başçısının sözlərinə görə, Aİ-nin Azərbaycan və Ermənistan arasında münasibətlərin normallaşdırılması prosesində iştirakından əlavə, bura ticarət üzrə əməkdaşlıq, enerji, nəqliyyat, demokratik inkişaf daxildir: 

“Biz Aİ-ni dürüst broker hesab edirik və onların səylərini alqışlayırıq. Əgər Minsk qrupu hazırda fəaliyyət göstərmirsə, fikrimizcə, Aİ normallaşma prosesində rol oynaya bilər”. 

Bizim.Media