Liderlərin görüşünü təşkil etmək Avropa İttifaqının bölgədəki mövqeyi baxımından bir qələbəsidir - bu sözləri Qafqaz siyasi araşdırmalar mərkəzinin rəhbəri Hasan Oktay Bizim.Media-ya açıqlamasında söyləyib:
“Əliyev və Paşinyan Avropa İttifaqının vasitəçiliyi ilə ikinci görüşünü keçiriblər. Birinci görüş Ukrayna müharibəsindən əvvəl, ikincisi isə Rusiyanın qurduğu Ukrayna oyununda dalana dirəndiyi bir vaxt baş verdi.
MÖVZU İLƏ BAĞLI:
Brüssel görüşünün əsas MÜDDƏASI – Azərbaycanın ərazi bütövlüyü pozulmazdır
Rusiyanın Cənubi Qafqazda qısa və orta müddətli əməliyyatını nəzərə alsaq, buradakı vəziyyət normallaşmaya doğru gedir.
Bu görüş deyərdim ki, tərəflər arasında daha öncə keçirilən mina danışıqlarını müzakirə etməzdən əvvəl baş verən danışıqlar kimidir. Amma liderlərin bu görüşünü təşkil etmək Avropa İttifaqının bölgədəki mövqeyi baxımından bir qələbəsidir”.
Leyla Şah, Bizim.Media
