"Yaxın günlərdə Ermənistanın xarici işlər naziri Ararat Mirzoyanla Azərbaycanın xarici işlər naziri Ceyhun Bayramov arasında görüş keçirilməsi mümkündür".
Bizim.Media erməni KİV-lərinə istinadən xəbər verir ki, bunu Ermənistan xarici işlər nazirinin müavini Vahe Gevorqyan deyib.
Vahe Gevorqyan Xarici işlər nazirliyinin danışıqlar prosesini bərpa etmək üçün ardıcıl çalışdığını diqqətə çatdırıb.
MÖVZU İLƏ BAĞLI:
Rusiya-Azərbaycan-Ermənistan liderlərinin görüşü ilə bağlı RƏSMİ AÇIQLAMA
Bu işin nəticələrindən biri də Ararat Mirzoyan və Ceyhun Bayramovun Nyu-Yorkda görüşü və vasitəçilərin köhnə formatda işi davam etdirmək barədə bəyanatı olub.
Nazir müavini bu prosesin davam etdiriləcəyindən və danışıqlar prosesinin bərpası üçün şərait yaradılacağından əmin olduğunu bildirib.
Bizim.Media
