Müdafiə nazirinin birinci müavini - Azərbaycan Ordusunun Baş Qərargah rəisi general-leytenant Kərim Vəliyev ölkəmizdə səfərdə olan NATO-nun Beynəlxalq Hərbi Qərargahının Kooperativ Təhlükəsizlik İdarəsinin rəisi general-mayor Françesko Diellanın başçılıq etdiyi nümayəndə heyəti ilə görüşüb.
Bizim.Media xəbər verir ki, Baş Qərargah rəisi Vətən müharibəsində əldə edilən qələbədən sonra ordumuzun döyüş qabiliyyətinin daha da yüksəldiyini qeyd edib.
MÖVZU İLƏ BAĞLI:
Zakir Həsənov professorla görüşdə açıqladı – ORDUDA MÜHÜM YENİLİK - FOTO
General-leytenant K.Vəliyev Əməliyyat İmkanları Konsepsiyası çərçivəsində əməkdaşlığın xüsusi əhəmiyyət kəsb etdiyini vurğulayaraq, NATO-nun bölmələrimizin bu sahədə hazırlığına verdiyi töhfəni yüksək dəyərləndirib.
General-mayor F.Diella ölkəmizə ilk səfərindən məmnunluğunu ifadə edib. O, Azərbaycan Ordusunun hərbi qulluqçularının NATO ilə tərəfdaşlıq çərçivəsində bütün sahələrdə fəaliyyətlərini, o cümlədən sülhməramlı əməliyyatlarda iştirakını yüksək qiymətləndirib.
Görüşdə NATO ilə əməkdaşlığın müxtəlif sahələrində inkişaf perspektivləri müzakirə edilib.
Bizim.Media
