Milli Məclisin İnsan hüquqları komitəsinin üzvü Razi Nurullayev Vətəndaş İnkişaf Partiyasnın sədri Əli Əliyevin son çıxışına etiraz edib. Millət vəkili partiya sədrini müxalifətin üz qarası adlandırarq onun mütləq psixoterapevtə müraciət etməli olduğunu deyib. Həmçinin Əli Əliyevi siyasətin evləndirmə-boşandırma proqramının aparıcısı kimi təqdim edib.
“Bir gün səsin ruhi xəstəxanadan gələcək. Bu adama demək lazımdır ki, sənin bu cəmiyyətə bu günə qədər nə töhfən olub? Deputat olmaq üçün girib-çıxmadığın otaq qalmayıb. Guya sən parlamentə düşsəydin, mandatından imtina edəcəkdin? Yoxsa parlamentə düşüb dağı-dağ üstə qoyacaqdın? Axı özünü, emosiyasını, psixi durumunu idarə edə bilməyən adam parlamentə necə seçilə bilər? - deyə Razi Nurullayev əlavə edib.
MÖVZU İLƏ BAĞLI:
Millət vəkilindən partiya sədrinə: "Bu adam mütləq psixoterapevtə müraciət etməlidir"
Bizim.Media-ya açıqlamasında partiya sədri Əli Əliyevin deputata cavabı belə olub:
“Xeyir ola, tutması tutub? Nə məsələdir? Nə olub müsahibəmə, nə demişəm ki? O, mənim mövqeyimə layiq deyil və partiyada ona cavab verəcəklər. O, mənim cavabıma layiq olmaq üçün hələ böyüməlidir. Ayağının altına taburetka qoysun...Mütləq cavabını alacaq”, deyə Əli Əliyev əlavə edib.
Bizim.Media
