Si Cinpin İlham Əliyevi “Əziz dostum” sözləri ilə salamladı

Si Cinpin İlham Əliyevi “Əziz dostum” sözləri ilə salamladı

Hazırda oxunan: Si Cinpin İlham Əliyevi “Əziz dostum” sözləri ilə salamladı

267930

Çin Xalq Respublikasının Sədri Si Cinpin İlham Əliyevi “Əziz dostum” sözləri ilə salamlayaraq ona “ŞƏT plus” sammitində, həmçinin faşizm üzərində qələbənin 80 illiyinə həsr olunmuş təntənəli tədbirlərdə və hərbi paradda iştirakına görə təşəkkürünü bildirib.

Bizim.Media xəbər verir ki, Si Cinpin vurğulayıb ki, Azərbaycan və Çin 30 ildən artıq müddətdə uğurlu əməkdaşlıq qurub və hazırda ikitərəfli əlaqələr hərtərəfli strateji tərəfdaşlıq səviyyəsində inkişaf edir.
 

MÖVZU İLƏ BAĞLI:

İlham Əliyev Si Cinpin ilə görüşdü - FOTO


O, məmnunluqla İlham Əliyevin Çinə dövlət səfərini xatırladaraq həmin səfər çərçivəsində aparılan danışıqların əhəmiyyətini qeyd edib.

ÇXR Sədri hər iki ölkə arasında ticarət dövriyyəsinin artdığını, energetika sahəsində – o cümlədən bərpa olunan enerji istiqamətində əməkdaşlığın genişləndiyini, həmçinin rəqəmsallaşma sahəsində əlaqələrin gücləndiyini vurğulayıb.

Si Cinpin əlavə edib ki, Azərbaycan–Çin əməkdaşlığı “Bir kəmər, bir yol” layihəsi çərçivəsində də möhkəmlənir.

O, həmçinin Çin mallarının Azərbaycan ərazisi vasitəsilə daşınmasının, eləcə də Transxəzər marşrutunun əhəmiyyətini xüsusi qeyd edib.

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

XƏBƏR LENTİ

Xəbərin mətnində orfoqrafik səhv var

Qeydinizi daxil edin

RADİO