Lavrov və  ATƏT-in Baş katibinin Qarabağ müzakirəsi

“Seçkilər hələ indi baş tutub. Nəticələrin Ermənistanda siyasi vəziyyətin formalaşmasına necə təsir edəcəyi hələlik aydın deyil. Hökumətin formalaşmasını gözləmək lazımdır”.

Bizm.Media xəbər verir ki, bunu Rusiya xarici işlər naziri Sergey Lavrov ATƏT Baş katibi Helqa Şmidlə danışıqlarının yekunlarına dair birgə mətbuat konfransında bildirib.

Lavrov üçtərəfli bəyanatın icrasına da toxunub:

“Üçtərəfli bəyanatlar işləyir və bu bəyanatlar cəlb olunmuş tərəflərin maraqlarına cavab verir”, - deyə Rusiya XİN başçısı vurğulayıb.

Qeyd edək ki,  konfransdan əvvəl S. Lavrovla H. Şmid arasında keçirilən görüşdə Qarabağ msəsləsində müzakirə mövzusu olub. 

Helqa Şmid Qarabağ məsələsinin ATƏT-in diqqətində olduğunu vurğulayıb:

“Dağlıq Qarabağ münaqişəsinin uzunmüddətli həllini təşviq etmək üçün Minsk qrupu həmsədrləri çərçivəsində çalışırıq” - deyə o cavab verib.

Bizim.Media