“Niyə ölkə bizi dəstəkləyir? Biz haqq-ədalət yürüşündə olduğumuz üçün əvvəlcə artilleriya, sonra vertolyotlarla hücuma keçdik”.
Sfera.az Cebhe.info-ya istinadən xəbər verir ki, bunu iyunun 24-də qiyama başlayan “Vaqner” özəl hərbi şirkətinin rəhbəri Yevgeni Priqojin deyib.
“Biz heç bir güllə atmadan getdik, heç bir çağırışçıya toxunmadıq, yol boyu bir nəfəri də öldürmədik. Aviasiya, helikopterlər, təyyarələr bizim üçün işləyirdi. Biz güllə atmadan Rostova daxil olduq, qərargahın binasını ələ keçirdik. Biz bir nəfərin də işinə qarışmamışıq.
Küçədə “Vagner”in PMC-nin bayraqlarını asan insanlar var.Bizim oğlanlar özlərinə nəsə lazım olanda mağazaya daxil olur, ancaq orda onlardan pul götürmürlər”,-deyə o bildirib.
