22 saylı Nəsimi-Yasamal Seçki Dairəsindən REAL partiyasından namizədliyi qeydə alınmış REAL Partiyasının sədri İlqar Məmmədovun müraciətinə baxılıb.
Bizim.Media xəbər verir ki, müraciət barədə Mərkəzi Seçki Komissiyasının (MSK) bu gün keçirilən iclasında MSK üzvü Tofiq Həsənov məlumat verib.
MSK üzvü bildirib ki, o həmin dairənin müxtəlif seçki məntəqələrində qanun pozuntularının olduğunu bildirib: “Müraciət araşdırılıb. İlqar Məmmədov seçki günü müşahidəçilərə maneələr yaradıldığını, seçki qutusuna topa bülleten atıldığını, protokolların nüsxəsi istənilsə də, təqdim edilmədiyini, məntəqə sədrlərinin protokolları vermədən getdiyini və s. pozuntuları qeyd edərək dairə üzrə nəticələrin ləğv edilməsini istəyib. Dairə seçki komissiyası qərarını onunla əsaslandırıb ki, qanun pozuntuları təsdiqini tapmayıb. Sənədlər təkrarən araşdırılıb, digər namizədlərdən, müxtəlif namizədləri təmsil edən müşahidəçilərdən izahatlar alınıb. Səsvermə günü seçki dairəsi üzrə 2, 14, 20 saylı seçki məntəqələri istisna olmaqla mübahisələndirilən digər məntəqələrində pozuntular qeydə alınmayıb. Qeyd edilən 2, 14, 20 saylı seçki məntəqələrində səsvermənin nəticələrinin ləğvi üçün hüquqi əsas yaranıb”.
MSK üzvü əlavə edib ki, aparılan araşdırma nəticəsində müəyyən edilib ki, etibarsız hesab ediləcək seçki məntəqələrinin sayı 3, seçki dairəsində olan ümumi seçki məntəqələrinin sayı 32-dir. Buna görə də həmin dairə üzrə seçkilərin nəticələrinin ləğvi üçün əsas yaranmayıb.
Təklif səsə qoyularaq qəbul edilib.
Qeyd edək ki, sözügedən dairədə Asim Mollazadə 58 faiz səs toplayaraq qalib gəlib.
Bizim.Media
![Asim Mollazadənin qalib olduğu dairədə 3 məntəqənin nəticəsi LƏĞV OLUNDU Asim Mollazadənin qalib olduğu dairədə 3 məntəqənin nəticəsi LƏĞV OLUNDU](https://bizim.media/file/articles/2024/09/11/1726058665_5408968563340991997.jpg)
- A-
- A
- A+
Siyasət
16:42 / 11.09.2024
Asim Mollazadənin qalib olduğu dairədə 3 məntəqənin nəticəsi LƏĞV OLUNDU
Hazırda oxunan: Asim Mollazadənin qalib olduğu dairədə 3 məntəqənin nəticəsi LƏĞV OLUNDU
Hazırda oxunan: Asim Mollazadənin qalib olduğu dairədə 3 məntəqənin nəticəsi LƏĞV OLUNDU
211021
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.