Ermənistan parlamenti İrəvanla Avropa İttifaqı arasında Azərbaycanla sərhəddə Aİ-nin mülki müşahidə missiyasının statusu haqqında sazişi ratifikasiya edib.
Bizim.Media TASS agentliyinə istinadən xəbər verir ki, parlamentin iclasını Ermənistan xəbər portalları yayımlayıb.
"57 deputat lehinə səs verdi, heç kim əleyhinə səs vermədi, 27 deputat bitərəf qaldı. Qərar qəbul edildi", - deyə parlament sədrinin müavini Ruben Rubinyan bildirib.
Müxalif “Ermənistan” fraksiyasının bəzi deputatları bitərəf qalıb, “Mənim namusum var” fraksiyası isə səsvermədə iştirak etməyib.
Xatırladaq ki, Aİ missiyasının sayı 138 nəfərdən 209 nəfərə çatdırılacaq.
Bizim.Media
