İsrailli səfirdən 20 Yanvar faciəsi ilə bağlı PAYLAŞIM - FOTO

İsrailin Azərbaycandakı səfiri Corc Dik 20 Yanvar faciəsinin 34-cü ildönümü ilə bağlı paylaşım edib.

Bizim.Media xəbər verir ki, səfir xəbər verir ki, rəsmi “X” hesabında Şəhidlər Xiyabanında 20 Yanvar faciəsi qurbanlarının xatirəsini ehtiramla yad edərkən çəkilmiş fotosunu paylaşıb.

“Yanvarın 20-də Azərbaycanda ölkənin milli iradəsini darmadağın etmək istəyən təcavüzkarların zorakılığı nəticəsində faciəvi şəkildə həlak olmuş 147 günahsız insanın xatirəsi ehtiramla yad edilir. Hüznə baxmayaraq, əzmkar Azərbaycan xalqı azadlıq və öz müqəddəratını təyinetmə uğrunda mübarizədə əzmkarlıq nümayiş etdirib. 
İsrail xalqı hər gün olduğu kimi bu gündə də Azərbaycan xalqının yanındadır”, - deyə paylaşımda qeyd edilib.



Bizim.Media