Yaxın günlərdə Bərdədə ermənilərlə görüş olacaq - İDDİA

"Arayik Arutyunyanın iki çıxış yolu var. Ya təcili istefaya gedəcək, ya da Ağdam vasitəsilə Xankəndinə ərzaq tədarükünə razılaşacaq".

Bizim.Media xəbər verir ki, bu informasiyanı Ermənistanın Faktİnfo nəşri öz mənbəsinə istinadən yayıb.

Mənbə onu da əlavə edib ki, Arutyunyanın istefa vermək fikri yoxdur, ona görə də indi Ağdam vasitəsilə Xankəndinə ərzaq məhsullarının idxalı məsələsi gündəmdədir. 

Nəşrin iddiasına görə, qondarma rejimdə "hökumət komandası" yaradılıb və ora daxil olan şəxslər yaxın günlərdə Azərbaycan tərəfi ilə görüşə getməyə hazırlaşır. Görüşün Azərbaycanın Bərdə şəhərində baş tutacağı qeyd edilir.

Bizim.Media