“Buna ciddi şəkildə etiraz etməliyik” – Ermənistan Qarabağa 17 milyon dollar ayırdı

Hazırda oxunan: “Buna ciddi şəkildə etiraz etməliyik” – Ermənistan Qarabağa 17 milyon dollar ayırdı

147781

Ermənistan tərəfinin Qarabağa 17 milyon dollar həcmində kredit ayırmaq istədiyi məlum olub. Sözügedən məbləğin Qarabağ ərazisində müxtəlif sahələrin dirçəlməsi üçün sərf ediləcəyi bildirilir.

Maraqlıdır, hazırda iqtisadi cəhətdən çöküş yaşayan Ermənistanın Qarabağ üçün bu məbləği ayırması nə dərəcədə real görünür? Ümumiyyətlə, Ermənistan tərəfi Qarabağa hansısa maddi yardım göstərə bilərmi?

Məsələ ətrafında Sfera.az-a danışan Bakı Politoloqlar Klubunun rəhbəri Zaur Məmmədli Ermənistn tərəfinin belə bəyanat verməsinin gülünc olduğunu deyib:

"Ermənistanın Qarabağ üçün maliyyə ayrıması çox gülüncdür. Çünki Ermənistanın özünə maliyyəni müxtəlif ölkə və təşkilatlar ayrırır. Digər tərəfdən bundan əvvəl də onlara bildirmişdik ki, Ermənistanın Qarabağ istiqamətidə çəkdiyi bütün yollar, infrastruktur sahibinə qayıdacaq. Ermənistan guya ki, İranla Qarabağ, İranla Ermənistan arasında da yol çəkirdi. Lakin nəticə hamıya məlumdur. İndiki məqamda isə Yerevanın belə bir açıqlama verməsi sadəcə, cəfəngiyyatdır. Bu tip bəyanatlar daxili auditoriyaya və beynəlxalq ictimaiyyətə hesablanıb".

Deputat Fazil Mustafa Ermənistanın bu addımına qarşı ciddi şəkildə etiraz etməli olduğumuzu bildirib:

"Ermənistan öz dövlət büdcəsindən Qarabağ üçün 17 milyon dollarlıq kredit ayırmağa qərar verib. Buna hökmən öz etirazımızı rəsmi səviyyədə bildirməliyik. Ümumiyyətlə, ABŞ və Avropa Birliyinin də bu istiqamətdə atılan addımlarına rəsmi münasibətimizi ortaya qoymaq vacibdir. Azərbaycan ərazisində hansısa əhali qrupuna yardım ancaq Azərbaycan üzərindən və Azərbaycanın razılığı ilə edilə bilər. "Bu etirazların xeyri yoxdur" deyib keçməyək, hər sənədin sabah hansısa işimizə yarayacağına inanaraq, addım atmamız məqsədəuyğun sayılmalıdır".

Əzizə Zeynal

Sfera.az

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.