İran Xarici İşlər nazirinin müavini Abbas İraqçı Azərbaycana səfər edəcək.
Bizim.Media-nın məlumatına görə bunu Abbas İraqçının özü İranın şimal-qərbində yerləşən Ərdəbil vilayətində jurnalistlərə açıqlamasında deyib.
A.İraqçının sözlərinə görə, o, sərhəd bölgələr, xüsusilə Xudafərin körpüsü və Mil-Muğan su bəndi ilə yaxından tanış olacaq.
Nazir müavini əlavə edib ki, iki ölkə sərhədlərində və su bəndlərində təhlükəsizliyin təmin olunması əsas müzakirə mövzularıdır.
Bu arada, Rusiya kütləvi informasiya vasitələrində İran prezidenti Həsən Ruhaninin xüsusi nümayəndələrinin Bakı, İrəvan və Moskvaya səfərləri barədə məlumatlar gedib.
Qeyd edilib ki, bu səfərlər Dağlıq Qarabağ münaqişənin sülh yolu ilə həlli üçün danışıqlar məqsədi daşıyır. Səfərin detalları açıqlanmır.
Bizim.Media
