Bu gün bir sıra mətbu orqanlarda Cəmil Həsənlinin Milli Şuradan istefa verməsi haqda xəbərlər yayılıb.xa0
İddialara görə, buna səbəb Cəmil Həsənlinin xalq yazıçısı Maqsud İbrahimbəyovla vida mərasimində iştirak etməsi və bundan sonra Milli Şurada yaranan narazılıqlardır.xa0
Maraqlıdır, yayılan iddialar nə dərəcədə doğrudur?
Məsələ ilə bağlı Moderator.az - a açıqlama verən Milli Şuranın Koordinasiya mərkəzinin üzvü, ehtiyyatda olan ədliyyə generalı Vidadi Mirkalamın sözlərinə görə deyilənlər cəfəngiyyatdır:
“Yayılan xəbərlərin heç bir əsası yoxdur, cəfəngiyyatdır. Mən bir neçə dəqiqə bundan öncə Cəmil Həsənli və Əli Kərimli ilə bir yerdə idim. Bir yerdə gedib İntiqam Əliyevi ziyarət etdik. Cəmil Həsənli Milli Şuradadır və kimsə ağlına gətirməsin ki, bu ziyalı nə vaxtsa qurumu tərk edəcək. Bu xəbəri yayanlar Azərbaycanda demokratik düşərgəni istəməyən qüvvələrdi.”x9d
