Xəbər verdiyimiz kimi, Natiq Şirinov Prezident İlham Əliyevin sərəncamı ilə Dövlət Gömrük Komitəsinin sədr müavini təyin edilib.
Bizim.Media xəbər verir ki, Natiq Telman oğlu Şirinov Azərbaycan Dövlət İqtisad Universitetində təhsil alıb.
MÖVZU İLƏ BAĞLI:
Natiq Şirinov Gömrük Komitəsi sədrinin müavini təyin edildi – SƏRƏNCAM
O, 2006-2011-ci illərdə “ATA Holding”də çalışıb. Natiq Şirinov sonrakı illərdə Vergilər Nazirliyində Vergi siyasəti və strateji araşdırmalar baş idarəsinin rəisi vəzifəsində çalışıb.
O, 5 fevral 2016-cı il tarixində Vergilər Nazirliyi yanında 1 saylı Vergilər Departamentinin rəisi vəzifəsinə təyinat alıb.
N.Şirinov 3 iyul 2019-cu il tarixində Vergilər Nazirliyinin İqtisadi təhlil və uçota nəzarət Baş İdarəsinin rəisi vəzifəsinə təyin olunub.
2021-ci il fevralın 12-də Prezidentin müvafiq sərəncamı ilə Natiq Şirinova 3-cü dərəcəli dövlət vergi xidməti müşaviri rütbəsi verilib.
Bizim.Media
