Türkiyə Böyük Millət Məclisinin sədri Mustafa Şentop Qırğızıstan parlamentinin sədri Talant Mamitov və Tacikistan parlamentinin Nümayəndələr Palatasının sədri Mahmadtoir Zokirzoda ilə ayrı-ayrılıqda telefonla danışıb.
Bizim.Media "Hürriyyet" qəzetinə istinadən xəbər verir ki, bu barədə TBMM-nin mətbuat xidməti məlumat yayıb.
MÖVZU İLƏ BAĞLI:
“Pelosinin Ermənistana səfəri xoş niyyətli deyil” – Şentop
Məlumata görə, Şentop həmkarlarına Türkiyənin iki ölkə arasındakı gərginliyin danışıqlar yolu ilə həll olunmasını istədiyini çatdırıb.
"Bildiyiniz kimi, dünyamız çox fərqli bir dönəmdən keçir. Münaqişələr, gərginliklər və bununla bağlı üzləşdiyimiz iqtisadi çətinliklərdən qurtulmaq üçün qardaş və bacı olaraq aramızda məsləhətləşmələr aparmaq vacibdir. Ümid edirik ki, iki qonşu ölkə arasındakı bu gərginlik ən qısa zamanda danışıqlar yolu ilə aradan qaldırılacaq”,-Şəntop bildirib.
Bizim.Media
