“Ankara-Bakı münasibətlərinin dinamikası bölgənin rifahı üçün əhəmiyyətlidir” - Türkiyə Prezident Administrasiyası 

Ankara və Bakı münasibətlərinin dinamikası bölgənin rifahı üçün əhəmiyyətlidir. 

Bizim.Media xəbər verir ki, bu barədə Türkiyə Prezident Administrasiyasından (PA) bildirilib. 

“Əlaqələrimizin hər sahədə inkişafı sadəcə iki qardaş ölkənin deyil, eyni zamanda, region ölkələrinin də rifahına xidmət edir”, - deyə administrasiyadan bildiriblər. 

Trend.az-a verilən açıqlamada o da qeyd olunub ki, bu gün hər iki dövlət siyasi arenada güc qazanmaqla yanaşı, qlobal enerji layihələrinə də imza atıb. 

“İki qardaş ölkənin bir-birini dəstəkləmədiyi sahə yoxdur. Bundan sonra da əvvəlki illərdə olduğu kimi, sıx əməkdaşlıq edəcəyik”, - deyə Türkiyə PA-dan vurğulayıblar. 

Bizim.Media