Xəbər verdiyimiz kimi, Gürcüstanda yeraltı təkanlar olub. Yerli vaxtla saat 22:26-da qeydə alınan zəlzələnin episentri Tbilisidən 58 kilometr aralıda olub.
Bizim.Media gürcü mətbuatına istinadən xəbər verir ki, zəlzələ bu gün yerli vaxtla saat 22:25-də Tbilisi sakinləri tərəfindən də hiss olunub.
Milli Seysmik Monitorinq Mərkəzinin məlumatına görə, Tbilisidən 58 kilometr aralıda Sameba kəndi yaxınlığında (Samtsxe-Cavaxeti bölgəsi) 6,2 bal gücündə zəlzələ baş verib.
MÖVZU İLƏ BAĞLI:
Gürcüstan telekanalının efirində zəlzələ belə hiss edildi – VİDEO
Tələfat və dağıntılar barədə məlumat yoxdur.
Yeraltı təkanlar 5 bal gücündə Ermənistanda da hiss olunub. Azərbaycanda isə təkanların gücü bir qədər az - 3,5 olub.
Gürcüstan orta seysmik aktivliyə malik ölkədir. Gürcüstanda qeydə alınan ən güclü zəlzələ 7,0 bal gücündə 1991-ci ildə Raça və İmereti (Qərbi Gürcüstan) bölgələrində baş verib. Episentrdə intensivlik 9 bal olub. Bu zəlzələ 200-ə yaxın insanın ölümünə səbəb olub, 46 minə yaxın ev və 1000 sənaye obyekti dağılıb.
Bizim.Media
