İzmirin Alsancak limanından humanitar tibbi yük daşıyan Türkiyə gəmisi yola düşərək Misirin Əl-Əriş limanına istiqamət alıb.
Bizim.Media xəbər verir ki, yardım, tibbi resursların son dərəcə məhdud olduğu Qəzza sektorunun sakinləri üçün nəzərdə tutulub.
Türkiyənin səhiyyə naziri Fahrettin Kocanın məlumatına görə, yükün ümumi çəkisi təxminən 500 ton təşkil edir. Gəmidə dərmanlar, tibbi ləvazimatlar, səkkiz sahə hospitalı və 20 təcili yardım maşını var.
Bu, humanitar vəziyyətin kəskinləşməsindən sonra Türkiyənin bölgəyə göndərdiyi ən böyük tibbi yardım partiyalarından biridir.
Bizim.Media

































































































