Türkiyənin Samsun şəhərində azərbaycanlı tələbə Nicat Kazımlı yol qəzasında həyatını itirib.
Bizim.Media Türkiyə KİV-ə istinadən xəbər verir ki, Nicat motosikletlə hərəkətdə olarkən təcili yardım maşını ilə toqquşub.
Ağır xəsarətlər alan gənc xəstəxanaya çatdırılsa da, onun həyatını xilas etmək mümkün olmayıb.
Hadisə ilə bağlı təcili yardım avtomobilinin sürücüsü həbs edilib.
Qeyd edək ki, 19 yaşlı Nicat Kazımlı Ondokuz Mayıs Universitetinin Stomatologiya fakültəsinin tələbəsi idi.
Bizim.Media
