Rusiya Daxili İşlər Nazirliyi İnstagramda 8 milyona yaxın izləyicisi olan bloger Xiza Zapirovu federal axtarışa verib.
Bizim.Media TASS agentliyinə istinadən xəbər verir ki, bu barədə informasiya nazirliyin məlumat bazasında yerləşdirilib.
“Xiza Zapirov, doğum yeri: Dağıstan Respublikası, 13 noyabr 1995-ci il təvəllüdlü, Cinayət Məcəlləsinin maddəsi ilə axtarışdadır”, - məlumat bazasında belə yazılıb. Digər təfərrüatlar açıqlanmır.
MÖVZU İLƏ BAĞLI:
Erməni bloger: “Bizim komandirlər qızıl diş üçün Azərbaycan qəbirlərinin qazılmasını əmr edib”
Bundan başqa, blogerin PR direktoru Lusik Karapetyan da Daxili İşlər Nazirliyinin axtarışda olanlar siyahısındadır. O, həmçinin cinayət maddəsi ilə axtarışdadır. Karapetyanın İnstagramda 800 minə yaxın izləyicisi var.
Bloger Zapirov (təxəllüsü Xiza) İnstagramda əyləncələr, zarafatlar yerləşdirir, bahalı maşın sürərək çəkilişlər edir.
Hazırda axtarışda olan şəxslərin harada olduğu məlum deyil.
Bizim.Media
