Bu günlərdə erməni mətbuatında keçmiş müdafiə naziri Seyran Ohanyanın paytaxt İrəvanın Vahaqni məhəlləsində tikdirdiyi dəbdəbəli malikanəsini sökdürməsi ilə bağlı məlumat yayılıb.
Bizim.Media xəbər verir ki, bu, hüquq-mühafizə orqanlarının kemiş müdafiə nazirinin malikanəni hansı vəsaitlə tikdirməsi ilə bağlı araşdırmalara başlamasından sonra baş verib.
Lakin “Haykakan Jamanak” qəzeti sözügedən məlumatın doğru olmadığını, sadəcə tikinti işlərinin dayandığını yazıb.
Bundan əvvəl Seyran Ohanyan bildirmişdi ki, malikanə ona məxsus deyil. Sadəcə həmin ərazidəki binalardan birində kirayədə yaşayır.
Qeyd edək ki, Seyran Ohanyanın malikanəsi Parisdəki Yelisey sarayının layihəsi əsasında tikilib. Tikilinin dəyəri 50 milyon dollara yaxındır.
Bizim.Media
