Ermənistan hakimiyyəti 50 kilometrdən artıq respublika əhəmiyyətli avtomobil yollarının təmirinə başlayacaq.
Bizim.Media xəbər verir ki, bu qərar cümə günü Ermənistan hökumətinin iclasında qəbul edilib.
MÖVZU İLƏ BAĞLI:
Ermənilər Şurnuxu və Vorotan kəndlərindən təxliyə edildi – RƏSMİ
Ərazi İdarəetmə və İnfrastruktur naziri Qnel Sanosyanın qeyd etdiyi kimi, M-2 yolunun (İrəvan-Meğri) Yelpin-Çiva-Areni (Yeğednadzor rayonu) və Şaki kəndi ərazisindəki hissələri (Sisiyan bölgəsi) təmir ediləcək.
Yolun Sisyandan Dastakertə (Sisyanın cənubuna) qədər olan hissəsi də təmir olunacaq.
Bundan əlavə, təmir işləri ölkənin şimalındakı Stepanavan-Saratovka-Taşir hissəsində, eləcə də Armavir-Gümrü avtomobil yolunda (Şirak vilayətindəki Qaribcanyan kəndi yaxınlığında) aparılacaq.
Ümumilikdə 51,1 km yol təmir olunacaq ki, bunun da 37,3 km-i dövlətlərarası, qalan 13,8 km-i respublika əhəmiyyətli yollardır.
Bu məqsədlər üçün ümumilikdə 7,6 milyard dram (təxminən 15 milyon dollar) veriləcək. Bu vəsait yol işləri üçün nəzərdə tutulan və hələ tam xərclənməyən illik büdcədən ayrılacaq.
Bizim.Media
