Putin Paşinyanı təcili Moskvaya çağırdı -  ZƏNGƏZUR DƏHLİZİ AÇILIR? 

Ermənistanın Baş naziri vəzifəsini icra edən Nikol Paşinyan 7 iyulda işgüzar səfərlə Moskvaya gedəcək.  

Bizim.Media xəbər verir ki, bu haqda məlumatı Ermənistan Nazirlər Kabinetinin mətbuat xidməti yayıb. Mənbə bildirir ki, səfər zamanı Rusiya prezidenti Vladimir Putinlə danışıqlar aparılacaq. 

Tərəflər Ermənistan-Rusiya strateji gündəminin məsələlərini, habelə 10 noyabr 2020-ci il və 11 yanvar 2021-ci il tarixlərində Ermənistan, Rusiya və Azərbaycan liderləri tərəfindən imzalanmış Qarabağla bağlı üçtərəfli bəyanatların həyata keçirilməsini müzakirə edəcəklər. 

Paşinyan və Putin Qarabağda yaşayan ermənilərə humanitar yardımın göstərilməsi, bölgədəki iqtisadi və nəqliyyat əlaqələrinin bərpası (Zəngəzur dəhlizinin açılması) barədə fikir mübadiləsi aparacaqlar. 

Xatırladaq ki, Ermənistanın Baş naziri və Rusiya Prezidenti son dəfə 7 aprel tarixində Kremldə görüşüblər. 

Bizim.Media