Korotçenkodan XƏBƏRDARLIQ: “Qərb Ermənistanı təxribatlara hazırlayır”

“Bölgədə gərginlik yenidən yüksəlir. Xarici oyunçular öz geosiyasi, hərbi və iqtisadi problemlərini həll etmək üçün Cənubi Qafqazda sabitliyi pozmaq niyyətindədirlər. Burada “Şimal-Cənub” beynəlxalq nəqliyyat dəhlizinin tam şəkildə işləməsinə əngəl olmaq üçün xüsusi tədbirlər görülür”.

Bizim.Media xəbər verir ki, bunu Xəzər(Rusiya) Strateji Araşdırmalar İnstitutunun baş direktoru İqor Korotçenko yerli KİV-ə müsahibəsində deyib. O bildirib ki, Qərbin Ermənistana yardımı məsləhətləşmələr və kəşfiyyat məlumatlarının verilməsi yolu ilə gəlir:

“Artıq Ermənistan hərbçilərinin hazırlığı gedir. Qarşıda həmçinin yeni silah ehtiyatları, o cümlədən texniki cəhətdən təkmil silahlar var ki, bu da Qərb hərbi mütəxəssislərinin Ermənistan ərazisində birmənalı olmasını tələb edəcək. Aİ müşahidəçiləri istənilən vaxt Ermənistan ərazisində müvafiq xarici kontingentlərin, həm Ermənistan Müdafiə Nazirliyində, həm də onun Xarici Kəşfiyyat Xidmətində işləyəcək ən azı böyük xarici hərbi məsləhətçi qruplarının yerləşdirilməsi ilə hərbi missiyaya çevrilə bilərlər.

Vəziyyəti daha diqqətlə izləmək lazımdır. Əminəm ki, Rusiya, Azərbaycan və Türkiyə Təhlükəsizlik Şuralarının katibləri səviyyəsində də məlumat mübadiləsi üçün qapalı, qeyri-ictimai görüşlər lazımdır və ölkələrimizin ekspert və analitik mərkəzləri bu barədə məlumat verməlidirlər. İranı da bu işə cəlb etmək lazımdır ki, Ermənistanın dost və müttəfiq olduğunu düşünməsin. Gürcüstanı da cəlb etmək lazımdır. Çünki Qərb sakit dayanmayacaq”.

Surxay Atakişiyev, Bizim.Media