İrəvanda saxlanılan “azərbaycanlı diversant”la bağlı əsl həqiqət ÜZƏ ÇIXDI – VİDEO

Hazırda oxunan: İrəvanda saxlanılan “azərbaycanlı diversant”la bağlı əsl həqiqət ÜZƏ ÇIXDI – VİDEO

186366

Sosial şəbəkələrdə İrəvanın mərkəzində “azərbaycanlı diversant”ın saxlanması ilə bağlı yayılan məlumatlar reallığa uyğun deyil.

Bizim.Media xəbər verir ki, bunu Ermənistan Daxili İşlər Nazirliyinin mətbuat katibi Narek Sarkisyan erməni KİV-nə bildirib.

Onun sözlərinə görə, aprelin 8-də saat 23:25 radələrində İrəvan şəhərində polislər narkotik saxlamaqda və istifadə etməkdə şübhəli bilinən Rusiya Federasiyasının vətəndaşını saxlayıb.

Axtarış zamanı onun üzərindən narkotik maddə aşkar edilməyib.

Tutulan şəxs Ermənistan Respublikasında turizm məqsədilə olduğu müəyyən edilib. Nəticədə o, azad edilib.

Xatırladaq ki, ermənilərə məxsus Telegram kanalları bundan öncə İrəvanın mərkəzində həbs edilən şəxsin azərbaycanlı diversant olduğunu əks olunduğu video yaymışdı.

Bizim.Media

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.