\"Ölkəmizə təcavüz olarsa, bizi heç kim müdafiə etməyəcək\" - Erməni politoloq

Hazırda oxunan: \"Ölkəmizə təcavüz olarsa, bizi heç kim müdafiə etməyəcək\" - Erməni politoloq

180246

“Ermənistan vektoru dəyişir və xarici siyasət kursunu Qərbə yönəldir. Bu haqda Paşinyan hakimiyyət açıq danışır. Məqsəd Qərbin etimadını qazanmaq və anti-Rusiya bəyanatları verməkdir. Ukrayna və Gürcüstan nümunəsini nəzərə alsaq, bizim belə yaxın müttəfiqimizlə ultimatum dili ilə danışmağa haqqımız yoxdur".

Bizim.Media xəbər verir ki, bunu Ermənistan mətbuatına müsahibəsində politoloq David Karapetyan deyib.

“Ermənistanla həqiqətən də dostluq münasibətlərini saxlamağa hazır olan ölkələrin olub-olmamasına gəlincə, bizim çoxları ilə dostluq münasibətlərimiz var, həm diplomatik yolla təsdiqlənmiş, həm də mehriban qonşuluq və çoxvektorlu münasibətlər mövcuddur.
Əgər söhbət hərbi-siyasi münasibətlərdən gedirsə və bu kontekstdə Fransanı nəzərdə tuturuqsa, o zaman mən dəfələrlə demişəm ki, Fransa ilə hərbi əməkdaşlıq, silah idxalı, yəni alqı-satqı haqqında saziş imzalansa da başqa heç nə yoxdur. Söhbət ümumiyyətlə hərbi-siyasi, xüsusən də müttəfiq münasibətlərin qurulmasından getmir. Əgər sualınıza birbaşa cavab verirəmsə, deməliyəm ki, Fransa qoşunları Ermənistanın ərazi bütövlüyü və sərhədlərinin toxunulmazlığı uğrunda döyüşməyə gəlməyəcək. Eyni şey İrana da aiddir. Bizim İranla müttəfiqlik münasibətləri qurmaq üçün yaxşı imkan və şanslarımız var, lakin onlar reallığa çevrilmir.

Bundan əlavə, mən Qərbin verdiyi real təminatlara qəti şəkildə şübhə edirəm. Heç bir geosiyasi mərkəz Ermənistana təminat verə bilməz. Bizim əvəzimizə bizi heç kim müdafiə etməyəcək. Ermənistana qarşı açıq təcavüz baş verərsə, geosiyasi mərkəzlər nəsihət və çağırışlardan başqa heç nə etməyəcək”, - deyə politoloq bildirib.

Bizim.Media
 

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.

XƏBƏR LENTİ

Xəbərin mətnində orfoqrafik səhv var

Qeydinizi daxil edin

RADİO