Moskva Paşinyanın həyat yoldaşının Kiyevə səfərini pislədi

“Təəssüflər olsun ki, biz Ermənistan tərəfindən Rusiyaya qarşı ictimai qeyri-dost ritorikanın gücləndiyini gördük. Nəticədə sentyabrın 25-də bəyanat dərc etməyə məcbur olduq. Yəni, biz bu müzakirəni ictimai məkana yalnız rəsmi İrəvanın anti-Rusiya ritorikasının intensivliyi miqyasından çıxmağa başlayandan sonra keçirdik.

Rəsmi İrəvanın qeyri-dost davranışını göstərən bütün arqumentlərimizi burada qeyd etmək istəmirəm. Sadəcə xatırladıram ki, Ermənistanın baş naziri Nikol Paşinyanın həyat yoldaşı Anna Akopyan Kiyevə səfər edib,  Ukrayna prezidenti Volodimir Zelenski ilə, eləcə də Ermənistan parlamentinin sədri Alen Simonyan ukraynalı həmkarı Ruslan Stefançukla ünsiyyət qurub".

Bizim.Media xəbər verir ki, bunu bazar ertəsi Rusiya Xarici İşlər nazirinin müavini Mixail Qaluzin rbc.ru nəşrinə müsahibəsində deyib.

Onun sözlərinə görə, son zamanlar Avropadan müxtəlif növ qonaqlar  tez-tez İrəvana gəlirlər, onlar da İrəvanı müxtəlif növ anti-Rusiya bəyanatları üçün platforma kimi istifadə edirlər.

Bununla belə, biz çox ümid edirik ki, İrəvan Rusiya-Ermənistan tərəfdaşlığının əhəmiyyətini adekvat qiymətləndirəcək. Və onlar, ilk növbədə, Rusiya və Ermənistan xalqlarını birləşdirən o möhkəm, çoxəsrlik əlaqələrdən çıxış edəcəklər".

Bizim.Media